Zomi USA Cup leh Khuado Pawi Sapna [invitation]
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
Dear Zomi akua mapeuh,
It mahmah USA gam State tuamtuam a om Zomi pih te aw,ka omna uh Nashville khuapi,Tennessee State a om, Zomi Christian Fellowship (ZCF) kipawlna pan in, itna leh zahtakna lianpi tawh kong hopih uh hi.
Nashville khuapi Tennessee State ah, November kha Thanks Giving nisim in, Zomi Khuado pawi tawh thuah in akibawl zawh a 3 veina hi ta a, Zomi ngeina lam tuamtuam leh kimawlna tuamtuam, Concert te leh Fashion show te tawh nopci tak in,ka na bawl theizel uh hi.
Tukum 2009 November 26 ni, Thanks Giving ni in, Zomi Khuado pawi tawh thuahkhawm in, ZOMI USA CUP 2009 kimawlna om ding a,11/26/2009 ni nitak lam teng Concert leh Zomi ngeina lam tawh hunte nopcitak in ki bawlding ahihman in, State tuamtuam a om Zomi kipawlna tuamtuam pan ahizong in, nong uap nongkihel kimciat theihna ding un ZCF min tawh kongsam uh hi.
Hong paithei akua ma khempeuh, Tennessee Zomi te zinvak siam dan mukha ding leh mehlim huansiamte nekha ding nahihman un,hampha mahmah ding nahi uhhi. Hongpai khalote ki naksik mahmah khading hi.
ZOMI USA CUP 2009 kimawlna ding tualpi zong confirm sa in omta a,ahun zui in hong kizasak kikzeel ding hi. ZOMI USA CUP 2009 kimawl theiding in hongpai thei khempeuh tukpeng kimawl dingbek hilo in, Khuado pawi nitak hunpi zatna ah Zola hoih mahmah dawng 3 ta atawmpen nong kinginpah nading unzong kong zasakpah uh hi.Lasak na ah hong paite Band in tumpah ding a, music van te zong amansa leh lepsa in hong kikoihsak ding hi.
Tukum pen nopci tak in Zomi Khuado pawi tawh kibawl khawmnuam a hihman in, lasa siam USA hongtung khinsa, Lasiam Nu,SanLun, Lasiam Pa,TL Mungbawi,Lasiam Pa,SuanLian te ahizong, guitar siam Tg,ZenLian leh Pa,E Tuang te zong, hong ki helzawh nading in, itna lianpi tawh kongsam uh a, zongh kong lamen mahmah uh hi.
Atung a ZOMI USA CUP 2009 leh ZOMI KHUADO PAWI tawh kisai in, zaksak nopna leh theihbeh nopna anei khempeuh in anuai a contact nading munte ah nong zaksak kikna ding un, itna leh zahtak nalianpi tawh kong theisak uh hi.
Zomite sisan khat hihang….Mailam ah Zomite pumkhat kipawlna khat ih suah khop theih kimciat nading mapangkhawm ni.
Itna taktawh,
Zomi Christian Fellowship (TN)
Contact info :-
Sya Cin Za Suan
ZCF President
Cell – 615 579 5232
Email : suantefamily@ netzero.net
Rev Pau Khan Lian
ZCF Secretary
Cell – 615 429 3962
Email : p.lian@yahoo. com
Zogam Mungno
ZCF Youth Leader
Cell – 615 354 2008
Email : mungno@gmail. com
