Zomi Ki Ci Ni
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
by Zonamkhankhual
Nunga Vaphual News article khat ka simna pana lungsim hong phawng khat,hong lung nuam sak khat leh hong lamen/kinem sak thu
thum om eh leh li hizaw. Bangthu hiam ih cih leh US a om eimiten “Zomi ki ci ni” acihna thu pan ahihi.
Kum bangzah hiam apai sa hunlai in Kawlgam ahi a Kolgam pan ahi zong in eimi te’n pilna-siamna sangzaw, sumzonna hoih zaw leh
biak na vai tawh Kolgam khuapi na na zuan ua, mi na tam pah sam lo uh ahih manin Zomi a kipawl khawm in biakna khat bek Zomi Christian Fellowship (ZCF) ci in Guwahati, Delhi etc ah nana phuan uhi.
Aihhang, kum bang tan vei hiam khit ciang in na na ki khen zak ta uhi. Tua bek hilo minam vai ah zong tua bang in kipawl khawm na ding i hanciam uhi. Ahi zong in i pawl cin sim pian ciang un lungsim tuam nei in i kikhen zak nuam pah pah uhi .Tam sem sem leng anuam hi ci lo in, tam sem sem leng kikhen zak a nuam hi cih sawm zaw hi leng ki lawm ka sa a lungsim ong khoih mah mah hi.
Aihang in US a om eimi te’n Zomi ki ci ni ong cih uh pen bel muan huai kasa a lung hong nuam sak mah mah hi. Bek tham lo in lametna lianpi hong nei sak hi. Tua hi a US a omsate zong hong hanciam uh hen la, eilam a te zong hanciam in, bang ci leh US/mun khempeuh ah Zomite a tam sem iki behlap thei diam ci ciat lai leng maw?
“TAKKHEH” Zomi ki ci tak tak ta ni maw. Tawm iki sak hun sung bek peuh leh thu dang, vaidang dangte hang peuh in Zomi kicih sawm
mawk lo in leitung buppi i theihpih minam khat ih suah theih na ding hanciam ciat ni. Zomite hai nawn lo ding maw le.
(US Zomite mah mah thupi/lungpi khual uh sang e…)
Note: Vaphual Editorial member Tg Go Suan Pau’ mail ah a kikhak article ahihi .
