ZCF Chennai Keyboard Thak

Zomi Christian Fellowship Chennai in hun sawtpi pan a ki gel ahi Keyboard thak lei ding cih pen Topa hoihna leh hauhnate nangin a paita Feb 2nd 2010 in ki lei zota a hih man in Topa min i phat ahi hi. Hih keyboard pen hoih lua cih ding a dang gen ding ka theih kei hi. Yamaha te a hi, model pen PSR S900, tulaitak in Indiagam Yamahate bawl lak pan a hoih pen khat zong a hi hi. Keyboard apna 7th Feb 2010 in ZCF kikhopna a hi Christian Media Center ah ki nei hi. Topa kiang ah lat-na Sia Samuel Vaiphei (Chaplain) in a hong a hong neih sak hi.

Hih Keyboard project pen hunsawtpi kum khat bang a paikhit nung in Pawlpi a ki lei zo pan hi. Tukum bul in Zomi Nam Ni ma a lei tei tei ding cih kei mah Finances Secy. ka hihna tawh ka ciam hi. Ahi zong in sum leh pai pawlpi’n PSR S900 man ding ki zolo in a om ni loh hi. Pawlpi min a sumlei tawi ding zong dingcih thu a ki sat khiat ciang in. Asst Secy. Pa Muana Vualnam in ki phaltak in sum a ki sam teng a hong leitawi sak hi.

Keyboard lei ding in a ki kuan khia hi, a mun tung ciang in aman na khang a hih man in lei zolo ding bang a ki suak kik hi. Hih bang in lungbuaitak in ka om laitak un ka Chairman pa uh phone in nang Rs 2000/- in nong pang thei diam ci’n ka phone leh’ Amen hong ci’n ki lungdam mah mah hi. Rs 1700/- hong kisam lai a hih man in tai na Finance Secy. A mah mimal sum hong behlap ciang in a hong ki lei zo suak ahi hi. Hihte hang in Topa min phat hang.

Tukum Music project pen Pasian huhna tawh pawlpi kumbul mah in a kizo hi, Microphone (2-1 ut leh a gui zat, zatloh theihte)zong lei ding a ki ci pen zong Finance Secypa mahin nihtak a hong leisak khin hi. Hih bangte ka ngaihsut ciangin Topa ei Zomite ading a hoihna hong phawksak sem sem ka sa hi.

Mailam huhah ZCF Chennai in PA System Project zong ki neih sawm lai lai hi. Hih bang a nasepnate khat leh nih hang bek hi lo in, Zomite kipumkhat tak in na I sep ciangin a hong piang zo ahi hi. Topa phat hang!!

MC Khaipu
Visit http://takkheh.wordpress.com