US ah Kumnih Sung Om thei Ding – Dr JM Paupu
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
Tuni suun nai 12 in US Consulate office Kolkata-ah ka zi Lucy Engjadim leh ka tapa neuzaw uh Toshi Thang Lian Mang tawh “visa interview” in ka pai uh a, minute 20 sung ding khawng thu hong dot khit uh ciangin “your visa is granted,” hong ci uh hi.
Ko mau geelna panin July 20 pawlin Fuller Theological Seminary, Pasadena, Los Angeles tun ka sawm ding uh hi. Fullerah kum khat sungin research “Zomi in Diaspora for World Evangelism” cih gelh ka sawm a, tua zawh ciangin a kum nihna Development Associates International head office, Colorado Springs, Denver ah kum khat sung sep ka sawm uh hi.
Ka ta upa-zaw uh Daniel Gin Sian Mung in tuzingin Bachelor of Social Work zawhna St. Joseph College, Bangalore panin mark 73% tawh hong zo a, amau classah third position na tung hi. Hih bang hamphatna hong pia Topa Pasian min ka phat hi.
Thungetna tawh hong huh a nai a gam a om u leh naute tungah lungdam thu hih net tung tawnin kong khak hi. Kolkata ka om sungun Sia Lalzamang, Regional Commissioner Provident Fund leh a lawmnu Boinute thusiamna hangin ka giahna uh hotel a kipan nek leh tak, taxi saap nangawnin hong piaksak khin uh ahih manin amau innkuan tungah lungdamna lian mahmah hi. “Leivung panin hong laamto ninphual panin hong domto” cih leh “Toupa eidi’n hoihna e,” cih Phungkhothang phuahte lungsim sungah hong suak hi. Topa ei adingin hoih takpi hi.
J.M. Ngul Khan Pau
Kolkata Airport
