Tg. Pau Kap Thang Hatzaw Sunna Programme
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
Tg. Pau Kap Thang Hatzaw Sunna Programme
Zomi Christian Fellowship : Delhi
Amun : Nu Cing Lian Kim’ Inn, Sec-10, R.K. Puram
Ani/hun : October 20, 2009, 3:00 – 5:00 PM
Pianni : November 20, 1980
Sihni : October 25, 2009
Hun-uk : Pa Hauliankap
Hun honna : Nu Vungneiching
Thugenna : (a) Innteek
(b) A dangdang
Khamuanna leh siluang khakkhiatna
: Rev. GK Joshua, Pastor ZCF Delhi
Hunkhakna : Pa Mc Dal Za Thang
Pau Kap Thang Hatzaw Tangthu Tomkim
Upa (L) Lian Cin Do leh Nu Ciin Khaw Nian te in ta numei 6 leh pasal 2 aneih na sung panin a tumpen ahi hi. November 20, 1980 in Tonglon Tuizang khua, Singngat Sub-Division khua ah piang hi. A pianpih sanggamte hih a nuai a bang ahi hi.
- Dr. Niang Khan Dim w/o Dr. David Jamzathang
- Nu Cing Khan Mang w/o Pa S. Nang Sian Pau
- Nu Cing Lian Kim w/o Pa S. Kam Za Khup
- Nu Kim Khan Niang w/o Pa H. Douchinthang
- Pa Kham Suan Lun h/o Nu Lal Biak Sang
- Nu Cing Suan Vung w/o Rev. S. Lang Kho Gin
- Nu Cing Khan Nuam w/o Robert Ginlianmang Ngaihte
1997 kum in Paree Imom Sindam Sang, Langjing, Imphal panin pawl 10 zo in, 1999 kum in Manipur Baptist Convention Higher Secondary School pan in pawl 12 zo leuleu hi. 2006 kum in Lamka Govt. College pan in BA zo hi. BA a zawh khit teh Delhi ah sepna zong dingin zin a, private company/restaurant mun tuamtuam ah sem kawikawi a, a U Kimte’ pang belin tawlkhat a om khit ciangin a lawmte tawh inn luah khawmin mailam nuntakzia ding lametna lianpi nei hi. PVR Gold, Ambience Mall, Gurgaon ah a sep laitakin leitung lungkham mangbatna thuak nawnlo dingin October 25, 2009, 7:40 PM in amuan Topa kiangah hong khawlsan ta hi.
A Mizia
Kap Thang pen lawm leh gual ngaina mi hi a, nu leh pa, lawm leh gual ahih na bang tawh khawl in mi lungkimsak thei mahmah mi khat ahi hi. Ciamnuih uk mahmah in, a omna lamlam ah mi nuisak, lungdamsak den thei khat ahi hi. A nuntakna thutak sangin ciamnuih tam zaw a, ahih lohna tan ah ki limneih siam mawh lo hi. Lawm leh gual a ngaihnat bangin a lawm leh gual in zong amah ngaina mahmah hi. A sepna khat peuhpeuh ah citakin kuhkal a, ama mawhpuakna pawimawh ngaihsut mahmah hi. Ama khe a dingin, amah leh amah kitodelh ding lunggulhna nei den hi. Ama cihloh lam ahih peuh leh sawlzawh, zolzawh ding hilo hi. Mi’ panpihna ngah sangin midangte panpih ding lungsim tawh a nungta mi khat ahi hi.
