Sweden ah Zomite Khuado Pawi 2009
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
Sweden Zomi Innkuan 2009, 10 October ni-in Ilsbo Pa Thang (Thawng Tun Thang) te Inn ah Zo Ngeina Khuado Pawi nuamtak in kibawl hi. Sweden gama om Zomi ahi theiteng kikaihawm in 2009,10 october Sani ni sun nai 12:00 in sun An kine khawm ngeingai in An nekkhit ciang in Lungdam koh Biakpiakna khat Nuamtak leh thangahtak in kinei hi.
Nitak lam nai 4:00pm ciang in Zo Ngeina khuado pawi tawh kizomto suak in hih khuado pawi hunsung ah Ih Zo Ngeina Pawi thupi leh Ih limzat pen khat ahi K Khuado Pawi Kumkhen Pawi tawh kisai Zo Ngeina tangthu khatkhit khat in gen(suut) na kinei in akuamah ciat in nuam kisa tek mahmah a Zomi ih hihna ki Angtang mahmah in Zomi te hong bawl leh hong lamto Pasian min kiphat hi.
Zo Ngeina Khuado Pawi dawnkhawm mangkhawm dinga sakpan khangpan hongpai U&nau teng Pawi bawlna mah ah kigiak suakpah in azing ciang in Nipi Biakpiak kikhawpna zong kinei khawm tosuak lai hi.
2009,10 October Sweden Zomi Innkuan Khuado pawi Ankuang um khawpna ah Inn leh lo nuamtak hong zang sak bek thamlo nek leh dawn ki tangsam lo a hong vaihawm leh hongsik Pa Thang (Thawng Tun Thang) te Innkuan tung ah Sweden Zomi Innkuan in lungdam thu ih ko hi.Pasian a zahtakna uh leh Zomi te hong it na hangin hi bangin zing hong dona hang in, thuhkikna ahi Topa´n amau Innkuian sung ah thupha kihonna hong hisak hen.
Sweden Zomi Innkuan Khuado pawi bawlna pawlkhat youtube ah na etsak ve…
