Pu Lian Za Go 1936-2008 Tangthu Tom
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
Lian Za Go 1936 – 2008
Tedim khua sat, Sukte Innpi Kam Hau’ upa vaihawm, thu-le-la makaipi Khoi Lam Hatzaw’ tapa thumna Phut Go Hatzaw’ tapa upapen Lam Khaw Lian Hatzaw’ tapa thumna ahi, Pa Neng Tual Hatzaw leh Pi Ngaih Za Niing Hatzaw tapa upa pen ahi Lian Za Go Hatzaw, 1936 in Tonglawn (p) khua ah suak hi.
Siamsinna:
Tonglawn (p) khuapanin class B zo a, Thangkhangphai LP School panin class 1 zohi. Churachandpur Upper Primary panin 1949 kumin class II zohi. Class II-X dong Churachandpur High School ah simin 1957 kum in matric zo hi.
DM College Imphal panin 1960 kum in Inter Arts (IA) zo a,1963 kum in BA zo hi. A BA zawh lungdamna in a U Lian Za Thang in October 19, 1963 in Dimmual khua ah sial khat tawh lopsak a, tua ni mah in a lawm a gualte’n sial khat gawh uhi. Tangnuam Hausapa Vum Za Kham Ngaihte in zong bawng khat tawh lopsak hi.
Biakna Nasepna
1961 – 65 Chin Baptist Association (CBA) sung ah Honorary Field Director sem a, Field Director sem masapen zong ahihi.
Zomi Christian Fellowship (ZCF) New Delhi leh Guwahati, Founder Member ahihi.
Kumpi Nasepna:
1962 – 63 Tuaitengphai Junior High School ah Headmaster sem hi.
1965 kum in DM College ah MA sin kawmin Motbung Grant-in-Aid High School ah sangsia sem hi.
June 28, 1965 in Manipur government nuai-ah Extension Officer (Industries) nasep ngah a, 1966 kum sung Hyderabad ah training kah hi. Chandel, Tamenglong leh Churachandpur-te ah sem hi.
1978 February kha in Central Social Welfare Board nuai-ah Assistant Project Officer nasep ngah a, Manipur leh Nagaland pua in 1980 January 31 dong sem hi.
1 Febraury 1980 pan Development Commissioner, All India Handicrafts zumah Deputy Director (Co-operative) nasep ngah leuleu in New Delhi ah sem hi.
23 April 1990 pan in Regianal Director Handicrafts in NorthEast nasep tawh promotion ngahin 31 March 2003 kumin a nasepna panin paubanna om hetloin full pension a ngah hi.
Panmun Letna tuamtuamte:
Secretary, Tedim Chin Vernacular Golden Jubilee Celebration 1975
Vice-President, Hill Area Manipur Government Employees Association
Founder Secretary, Chin Students’ Association, 1961
Vice Chairman, Civil Officers Pensioners Society, Churachandpur till date.
Chairman, The Laizom Welfare Society New Lamka till date.
Executive Member ZEPADA till date.
Executive Commitee Member, Zomi Christian Literature Society (india), Churachandpur till date.
Gamdang Zinna:
1963 kumin Rangoon (Yangon), Burma ah Kawlgam Baptist Missionary masapen Adoniram Judson Centenary Celebration pawi a sim hi.
Colombo Plan Programme nuai-ah September to November 1982 in Cranfield School of Management on Promotion of Small Scale Enterprises in the Developing Countries training a va kah hi.
Zi-le-tate:
27 February 1965 kumin a zi Ning Khaw dim tawh Pastor Kam Khaw gin in Dimmual Baptist Biakinn ah pumkhat suaksak hi.
Atate:
1. Nu Ning Khan Vung w/o Pa M Haokhosie Zou
2. Pa Tual Lian Khup Hatzaw h/o Nu Hau Cing
3. Nu Dim Lian Niang w/o Pa V Vungzamuan
4. Tg Cin Suan Thang Hatzaw
5. Tg Lian Gawh Tuang Hatzaw
6. Tg Hang Ngaih Lian Hatzaw
Sihna
1997 kum in Guwahati ah Regional Director All India Handicrafts a sep laitakin heart attack nei in Downtown Hospital ah kikemsak ngei hi.
Tua nung, tua nung natna gen ding bangmah omlo pen 30 June 2008 3:30 pm in a natna hong suak kik in RIMS Hospital Imphal ah kipuak hi. Ahizong in a natna thuak zo nawn loin 1 July 2008 zingsang 8:45 am in RIMS Hospital pan a it angaih teng nusia in a muan Topa Pasian kiang hong zotsan hi.
