Prime Minister Thein Sein Tedim hong zin
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
Feb 3, 2010 ni- in Naypyidaw pan, Prime Minister Thein Sein leh a pawlte Tedim hongzin uh a, zan khat hongt aam uhi. 4.2.2010 (thurs) ni, 7:30 am pan 9:30 am sung No(1),BEHS gei kimawl na Hall pi sungah kumpi nasem teng leh khawnu khawpa te tawh ki muhkhop na neithei uh a, hunman ciang in khuanu khuapa meetting hong pai te lakpan , a U ham pen mi 9 leh kumpi nasem lam pan pahtawi huai te pahtawi na Boyokegyi Thein Sein in, letsong a piak khit ciang in ciah kik pah uhhi.
Meetting sung a kigen, thu manpha pawlkhat hong hawmsawn ing.,,,
1.Zogam sung a dingin Tuitha tawh electric mei ngahtheih nading meiset neu (15) hongpia ding.
2.Tedim-Taingen kikaal Mawtaw lampi puahding.
3.Mini handphone (CDMA) nuamtak a zattheih nang in kihong ding.
4.Tedim ah a kingahsa Auto Telephone 600 vaal ban ah 120 hong piakbeh ding.
5.TTS college sang pen maikum a kipan, tan 9 ong te zong, kahthei tading.
Hih TTS sang pen Tedim khua pan tai 3-na, Tedim-Tonzaang mawtaw lampi, Lailui lamka ah ki lam hi.2009-2010 laisin kum pan sang kihong a, sang naupang 5 bek pha hi. 2010-2011 laisin kum sang naupang 3 bek pha hi.Sia/siama leh zum nasem kigawm mi 12 pha uha, tua te lak pan, Tedim mi 4 kihel hi. Hih sang pan a, sang mansa te pen Kalay township, Thumaa khua, G.T.C University ah sang zopkhuan ngahding cih thu kiza hi.
Major General Khin Maung Myint Hong Hawh
Kawlgam bup Minister for No.2 Electric Power and Construction asem Major General Khin Maung Myint hong kihel thei a, 2010. Feb- ni 3 ni- in a sang kahpih U Go Lian Thang inn ah hawh in, naikhat sung holim na neikhawm thei uh hi.Khin Maung Myint leh U Go Lian Thang pen 1969kum pan 1973 kum dong Mandalay University ah sang kahkhawm uh hi.U Go Lian Thang in a lawmpa kiang ah, lawm aw Zogam phattuam nading in, Mei leh Lampi mahmah nong huh nading uh lunggulh mahmah ung, cih zong gen na nei, cih thu kiza hi.
By Hau Thang, Tedim
