Nang bang party nai hia?

Nang bang party nai hia? ki ci zaw ta ni guai, bang hang hiam cih leh party pen abawlnuam ten bawltheih hi lel in Chin national party,a dang Zomi National party,Zomi Democratic Union etc..cih bang in a bawl nuam lai a om leh zong bawltheih hun hi lai hi.

A hi zong in i ngaihsut ding thu namnih omsa ing,khatna ah;Party bawl in 2010 ah party desk ah tu phot himhim in,gam a ding na sep ki pan ding,Nihna ah;Party bawllo or register nawnlo in a beisa i sepna maban te result muhtheihna ding manawt ding cih a hihi.

Amasa position:party bawl in 2010 ah party desk bawl in gam leh nam a ding na sep ki pan ding i cih leh,i sep ding zia tampi mah om veve sa ing,party lut phot himhim in, party min khat register ding, a munmun ah mekuang lui ding,ei zomi ten zogam ah mekuang lui-in,me ngahthei/ngahlo thei pello vote result hong om ham tang ding hi.A hi zong in vote result hong suah ciang ei me teng a tam zaw pe-me(objective) hiam? or ei me teng USDA,NUP cih peuh ah na ki sunsak hiam khat hong hi hamtang kha ding in lelphot zawzen dinghi.

Tua teh me result um kei ung, me simpha ding,me result boycott ding cih khat mah kam hong ging kik ding in,tua teh party makai te koltang pawl,a si a mang pawl,gampua ah hong taikhia pawl hong om kik ding a,tu lai tak i dinmun mah hong tunpih kik lel ding uh in kum 20-40 bang mah Uital ten hong nuaicip kik thei ding dinmun mah hi thei ding a hih man in,Party makai te in mailam a nasep ding uh tam mahmah veve kha ding hi.Hi zong lampi hoih ki thaksuahna(inovatio n) khat mah hi thei ding in thupi sa veve ing.

Tua lam pang in hong pai theih het kei leh Uitalte mah hong mai biak lel ding uh in,party makai te leh Uital mang te in (coalition government)hong phuaih ding uh in,mipi te kahna,hagawina, natnate hong don nawn lo uh in na me vote piak (advantage) hamphatna khat in la zang in,na leh kei hong bawlsia,hong that,hong netum ding makai khat peuh tel ki hi lel ding ban ah,kawlgam or zomi mipi teng tung ah,tu a sang in,a gikzaw sik hakkol hong suan ding uh a hih man in, i mailam ding dahhuai,lungmanhuai mahmah ah hong tunpih thei ding uh a ,hi party makai thak te a ding thungetsak ni,i gam i lei hong it hong khual taktak na ding uh cih ding longal thu dang om kei .

Anihna position:A nihna position pen party bawllo ding,register bawllo ding,Uitalte Upadi or constitions manlo tung ah party desk koihlo ding a ci ta zong na sep theihna ding tampi mah om lai hi.boycott i cih ciang in electoral rule puah phat ding ngen hipah ban ah,1990 kum kitelna result kipsakna ding ngen leh 2010 ki telna deihlo in lungphona bawl ding etc..a hihi,Mailam tukum sung ah kawlgam thu bangci ding cih zong lunglut huai in,mipi leh party makai te pankhopna zong ki sam mahmah ding hi.

tua khit teh NLD,UNA ten unjust tawh na sepna khem peuh deihlo langpang uh a hih man in Uitalte tawh ki naksik mahmah lai uh cihna hi-in,na sep ding tam mahmah hi,I makai te pen A beisa sang in muanhuai zaw tham uh cihna zong a hihi
existence party in uital ten a sim loh man un,undergroud ah pai ding cih hilo in,social work ah pang ding ci-in gen uh a hih teh mipi tawh na limsep theih zawkna khat zong hong nei mahmah ding uh a hih man in Uital mang Pusuai lunggimsak buaisak zo mahmah ding uh hi.

A hi zong in mailam kum/kha/ni bang zah ciang a ngimna uh hong tung ding cih gentheih om tuan lo in,tu khang ah a ki zawh kei leh,tate khang,tute khang cih bang dan in priciple tawh kalsuan ding cih a hihi.

Tom gen pak leng Uital te na sepna manlo diklo peuh mah nial ngam,thuak ngam,kolbulh, sat thuak ngam leh a thuak sa te uh a hih man un,mailam ah zong Unjust peuh mah a do ding te uh a hihi.

Uital te thong khum,satna vuakna,thahna tuak ngam ding a ki thoithak party te sang mitmuh in experience muhna tuahna,sinna phutna (lettuih) in a na neikhinte na sepna tung i ki ngak nop leh Position nihna ah i lungsim nga leng hoih pen in teh cih hihi.

Unjust thuman lo peuh mah kawlgam mite 60% peuh mah thuman galsimna ah ei mah leh ei mah ki pumpiak in i omomna ah zuauthu i na nial zawh tek ciang in non-violence tawh na sepna a gah ki mu pan ding a hih man in,Kawlgam mi peuh mah Pasian thu leitung thu ah thuman it mi i hih ding ki sam mahmah in,non-violence thu laigil lenkip i tam leh 2010 kawlgam politic ah Uital te ana bei ding a hihi,Party maikai te bek hilo,mipi te tawh sep ding thu hi kha ding hi.

A maute pen siangtak in uital te maibiak ngeilo ding lam ah position nihna a dingkipna nei te uh a hih man un,mailam ah kawlgam mipi or zogam mipi te tung a ki suan sik hakkol hong sutsak,suankhia nuam te uh hi cih ki gen thei hi.Unjust galsimna ah a ki helnuam te in boycott party te tha pia in,A maute makaihna i zuihsiam ding ki sin kul ding a , a hong lawh cinna ding uh thungetsak tek ni.

Lungdam.

Thanglian
2148546814