www.youtube.com/watch?v=99e-2UJv_6w

USA ah a suak Zomi khangthakte in Zopau pen amau aa ding in second language a suak ding dan hi mawk hi. Pawlkhatte bang in thei nawn vet lo lai hi. Zopau kepcing theihna ding ngimna leh Zolate naupangte in tampi a sak ding deihsakna tawh Zola MTV dawng khat ka kipan khia uh hi. Amau bek tham lo, a dangte leh a nau zaw naupangte in amau’ la sakte et-teh in kisinna a neih theih ding lunggulhna zong ahi hi. Hih la a sa, video a kizaihte pen USA tualsuak ahih hang un, Zo pau a pau ciauciau vive ahi uh hi.

Neng Pau, Myanmar Mission Church, Florida, USA.

Unau lakah a 11-na ding ka pian ciangin ka innkuanpihte in min phuah ding thei nawnlo uh ahih manin ka sanggamnu phuaksak uh a, tua manin ka min Maxine Evon Bailey hi. Ka pa in a tate hong ciammuihpih zel a, ka u pasalte gukte in hong nono in, ka u numei lite in hong ngekbawl zo lua ahih manin ka naupan hun nuam kasa mahmah hi.

Tan guk ka sim laitak in Lungdamna Thu ka za pan hi. Ka innveng vuah Bible club om a tua ah kihel dingin hong kizawn a, kihel mawkmawk ding ka sawm manin ka pai hi. Kei bek utlo ka hih man leh bang thu kigen ding cih theilo ka hih manin ka zumselna in ka lawmnu Leona ka zawn hi.

Ka nih un Pasian thu ka khatvei zakna uh hi a, Jesu kici pa in Christmas ciang simloh in bang kisapna om hiam cih ka thei kei uh hi. Ahi zongin Mrs. Abel in ka telsiam ding un milim tawh lak in la tawh hong sakpih den ahih manin damdam in ka tel semsem uh hi. Jesu ka gumpa leh honpa dingin ka san ma un bangzah vei tua Bible club ah ka kihel uh hiam ka theihloh hangin ka san ni (Christian suahni) pen lungsim hong lawng mahmah hi. Tua ni pan Mrs. Abel in ko veng a biakinn hoih khat ah hong tonpih in muanhuai taka kikhop den ding a thupi dan hong hilhpah a, ko zong tua ni pan tua mun ah muanhuai takin ka kikhawm suak uh hi.

A kum kik ciangin ka upna uh kip semsem in tui kiphum ding zong ka utta uh hi. Ka nu in tui ka kiphum hong phal a, ka lawmnu a nu in phallo hi. Ahi zongin Mrs. Abel in a nu kiangah genpih in a tawpna ciang ka nih un tui ka kiphum khawm uh hi. Tua nitak in ka nu ka pa te uh kuamah omlo uh a, numeino ko nih bek Topa mai ah ka ding uh hi.

Kum 16 ka phak ciangin Bolivia gam nisuahna lam a Ayores minam te in NTM missionary mi 5 a thahna uh NTM missionary te khat mahin a lah film ka en kha a, ka lungsim hong lawng mahmah hi. Tua ni pan kipan New Tribes Mission thu ka muh khempeuh ka sim a, ka kan den hi. Ka sim khak lak pan Paul Fleming in a gelh, “Pasian nasem dingin upa lua cih omlo a, naupanglua cih zong omlo hi,” a cih in ka lungsim hong sukha pen hi.

Tan 10 ka zawh kum, kumtawp kuan ciang ka khangno pastor leh a zi leh khangno dang pawlkhat in California ah pai a New Tribes Mission sangah kah ding khentat uh hi. Ka lawmte khempeuh kei sang upa zaw vive hi khin uh a, himah leh kei zong ut ka hih manin ngetna lai khiat teitei ding ka sawm veve hi. Hong san zawh nak uh leh ka sangkah a ban zom nawnlo in kuan ding ka khentat hi. Ngahloh ding ka ki upman hizaw pian hi. Ahi zongin hong sang uh ahih manin nawngkaina lianpi hong om a, ka nu leh ka pa hilhlo a ka kuansawm hangin ka nu leh pa in hong awilo uh hi.

Ka ute khempeuh inntuan khin in kei leh ka nu leh pa bek om ka hih manun ka nopsa mahmah hi. Kuamah hong thuhilh ding dang omlo ahih manin. Ka pa in ka tan 12 zolo a pai ding phallo ding cih theikhol ka hih manin American School of Correspondence Course la ding, tua kawma pai veve ding cih ka khentat hi.

Nitak khat ka ingei vua Movie Hall ah ka vaimim puak zuak teng ka khot khit ciang inn ka ciah leh innsungah puanhoih tawh kizem pasal khat na tu lianluan hi. Ka nu leh pa tawh na kiho in kei hong muh ciang, “Bang hanga hih correspondence course la nuam na hiam, numeino aw?” ciin hong dong hi. Ka pa lungkimlo cih ka mu pah hi. Ka pa a heh ding lau ahih manin tua mipa dingto pah a, ciah dingin kithawi hi. “Na tanu naupang lai cih ka mu hi Mr. Bailey aw. Tua manin hih correspondence course la leh zawh sawmna lungsim taktak nei nailo kha ding hi. Tua manin kei na ciah phot ning,” ci hi. “Themkhat ka ngak lai in, sia aw. Midangte in tupna a neih uh leh ka tanu in zong nei hi.”

Ka tunma, inn ka ciahma in ka pa leh tua siapa in tan 12 ka zawhna ding classes kisam khempeuh kah theihna ding na gel khin uh na hi gige hi. Siapa ciah khit ciang ka pa in hong dong a, “Bang hang hi peuhmah hiam tan 12 zawhna dinga correspondence course na lak sawm teitei?” hong ci hi. Tua hong dot teitei ciang kei zong New Tribes Mission ah sangkah ka sawm teitei thu leh tua kum sangkonghon ka lapsawm thu ka gen hi. Ka nu leh pa bangmah genlo in ki en gega bek uh hi! A ngaihsut ding uh ka thei a, “Kua in a lungsim ah tua bang ngaihsutna ci tuh hi dinghiam?” cih hi. Ahi zongin ka nu leh pa in ka lungsim uh zui ding, ka ut penpen uh hih dingin hong hanthawn den uh ahi hi (they always taught us to follow our hearts). Ka lunglutna hi miau ahih ciang amau hong cih tawh kituak leuleu hi.

Ka hilh ding midang khat omlai a Howard Morie ahi hi. Biakinn ah kithei, tun amah college in khuadang Fort Collins ah om hi. Ka kingaih zawh uh kumkhat phazo a, ka tup ka sawm ka hilh ciang lungkim vetlo hi. “Hai kei in, graduate na ut zong ka theihsa hi,” ciin hong zol hi. “Tan 12 na zawh ciangin ka omna Fort Collins ah hong pai inla, na sangkah man ding ken kong piaksak ding hi. Missionary na ut leh zong graduate i zawh ciang (B.A. pass ciang) i kuanzaw ding hi,” ci hi. “Tua bang na cih leh i kikhen kul ding hi,” ciin ciantak in ka hilhsiang vet hi. Ka tup ka sawm ka pelh sawmloh thu a theih ciang amah zong cihna ding dang thei tuanlo in ka kikhen takpi uh hi.

Missionary training dinga ka kuanma uh kal khat bek phata cih ciang ni khat biakinn kong tual ah Howard in hong na ngak hi. Kikhop tawp ka pai khiat ciang ka galmuh a, lamdang sakna tawh ka kidim hi. “Ka ngaihsut na thei hiam?” ciin hong dong a, “bang hih ding ngaihsun na hiam?” ka ci hi. “Nang tawh Fouts Springs, California ah missionary training khawm dingin ka ngen a, ka ngah hi. I pai khawm ding hi,” hong ci hi.

Pingpei bangin ka nuntakna uh kilumlet in October 1949 in training ka kipan uh a, August 1950 kum in kiteng in, January 1951 in Bolivia ah sem dingin ka kuankhia uh hi. High School ah ka sin teng bek uh Spanish pau kithei a, kisin tawm kawmkawm in San Jose ah nasep ka kipan uh hi.

Howard in a sep theih bangbang seppih in biakinn ah huh a, missionary tate sangkahna ding Andes Mualpi gei a kilam a zawhna ding uh meivak khau khawng zong khunpih hi. Tua hangin kei bek inn ah hong nusia den a, ka tate nih zong San Jose ah piang uh hi. Lauhna leh lungzuanna tawh kidim den in Spanish pau zong ka siam thei pak kei hi. Ka tapa Howie a nuih masak ni ka phawk lai hi. Kei bek om ka hih manin ka biakinn vua nupi khat kiangah tai in ka va ko hi. A kiang ka tun ciang “nui” cih kammal Spanish pau tawh ka theihloh lam ka tel pan hi. Tuni dongin ka gennop tua nupi nu in a tel hiam cih ka thei kei hi!

San Jose pan Tobite ah ka kisuan uh a, tua mun pen NTM missionary mi 5 a that Ayores te omna mun hi. “Bang hanga hih mun ah tungkha ka hiam?” cih bekbek ka ngaihsun hi. Ka tun uh ciang Ayores minamte hong mu nuam in hong delh ngengngang uh a, ka dip a kua semsem hi. Tua laitak numei khat in ka tanu Nancy hong sut vat a, a khutme tawh Nancy kamsung sawk in a ha a pota hiam cih a zawt tawh kibang hi. Ka lungsim ah, ‘tuni tan zong naungek nek ding huan minsa lo pia nailo hiveng maw’ cih bekbek om a, ka lungsim in thu ka ngen hi: “Topa aw naungek nong kepsak kul hi.”

Howard in Ayores te nasep dan, lokhawh dan, singtan dan, lampi sial dan, etc cihte a hilh sungin kei bel nau neih bek mah ka septheih hiphot a, ta 6 ka nei uh hi. Ka ta kep kawmin midang nausuak dingte huh, don, laihilh, numei leh naupangte pattah cih bang ka sem hi. Damdam in Ayores te pau ka siamtoto hi.

Nikhat lamet hetlohpi in Ayores te Lai Siangtho Thuciam Thak tei dingin hong kisawl hi. Kei maw! Kei nupi naupom hi veng. Lamdang sa kawmkawm in hampha kisa kawmkawm in ka kipan hi. Kei sepna hangin Ayores te in Lai Siangtho nei ding cih ka ngaihsut ciang ‘thupha ngah’ ka kisa hi (I felt so blessed).

Hong huh dingin Ecarai ka zanga, ka nasep uh nuam mahamh hi. Ama huhna tawh “born of the Spirit” (Kha Siangtho ah nuntakna thak) cih kammal ka mukhia uh hi. Ayores te pau in “born” cih pen “to fall” ahih manin “born again” cih pen “fall again” cih ding hong himawk hi. Ecarai in ni khat ngaihsunsun a, “Cih dan ding thei ing. Minam khat pan minam khat suakdinga (clan-wash) silsiang cihna hi. Kha Siangtho in hong silsiang dinga Pasian minam hong suaksak ding hi,” ci hi. Kum 12 zawh ciang laitei kizo a, kum 3 sung a kipuah, etkik khit ciangin Thuciam Thak Lai Siangtho Ayores te in a nei hong suak hi. Ko adingin Bolivia ka om zawh uh kum 32 phata a, inn lam ah ciah a ka tu ka tate tawh kitheihna ding ka hanciam uh hong kul leuleu hi. Tu tan in zong ka kithei sansan uh hi.

A lamdang thu khat om. Kua in numeino khat Bible club ah a kihelna pan Ayores te Lai Siangtho hong piang ding cih ngaihsun ngei ding hiam; kei zong ka mangmat kha kei hi. Topa in thupha hong pia hen.

Ciamteh ding:

1. Maxine Morarie a pasal Howard in sihsan zo a, amah kum 77 phata hi. 1982 kuma Bolivia pan hong ciah zawh uh om khong tuanlo in a tenna Colardo khua ah Thuciam Lui tei ding kipan leuleu hi. Tamveipi Paraguay ah a seppihte tawh kimu tuah zel in tu in Thuciam Lui laibu bu 16 teikhin ta hi. Ayores te a tawh a buailoh ciang Mexico te ading seppih in, laitei dan ding makaih kawmkawm a, Latin America pau honkhat zong teipih hi. Ayores-English Dictionary zong kum 7 sungin man khin hi. Tu in Spanish-Ayores Dictionary a tei laitak hi a, tukum man dingin kilamen hi.

2. Ayores te Thuciam Thak NTM in a khetsak pen a kihawmkhiat ni in Maxine leh a pasal Howard zong Bolivia ah va pai uh hi. Tua pan Paraguay ah pai in Mennonite leh Ayores te omna khua ah va pai uh hi. Mennonite te missionary Ayores te thahpa zi zong tua lak ah hong kihel hi. Laibu khat ciat a hawm uh, a kikhen ding uh ciang tuanu Maxine kiangah hong pai a, bu khat hong ngen kik hi. “Bang ding hiam?” a cih ciang, “Ka pasal hong thahsakpa kiangah ka pia nuam hi. A tungah kong maisak hi, hih sungah kigelh thute na sim inla, Pasian na thei in,” ka ci nuam hi ci hi. The power of Gospel ciin kiciamteh hi.

3. Maxine pa in sawtpek a agen pen tangtung hi. Maxine nuntak sung khempeuh a nasepte hun tampi piak kul, kuhkalna leh cihtakna tawh sep kul vive himah leh a pa upmawh mah bangin kuhkal citak takin a vekpi in semsuah hi. (She has the determination to complete her calling as her father had said long ago).

Ref.: NTM@Work, Vol. 68, No. 4, May 2010, pp. 26.

Hau Za Cin
Phuitong Liim
www.hauzacin.blogspot.com
[Ka lai at dangte ka blog pan kisimthei hi]

Shillong sangkah lai Zomi Christian Fellowship ah sum laiat hiden ka hih manin Christmas hong naih ciangin Advance-Christmas ciin Christmas zangkhawmlo ding sangnaupangte in inn lam ka ciahma un ka zang zel uh hi. Khatveivei ciangin Nursing Homes pawlkhat ah ka hawh uh a, mawza (socks) leh khutbulh khawng ka puak thei zel uh hi. Ami phazah ding van puak in Pasian thu tawh kikholhna fellowship nei in ka ciah kik uh hi. Pitek putek te tua banga koih cih ka muh ciang ka cimul bang tho zangzang zel hi. RC pawlpi in a bawl uh hi a, sister te leh nurse bangzah hiam in kem in puah den uh a, siangtho mahmah hi. Tua hun in a hihna taktak ka theisiam kei hi.

Singapore ka zin cil in ka hawh masakna khat pen Ling Kwang Home hi a, pitek putek te kepna inn mah na hi bilbel hi. Hih laiah pitek putek te a innkuanpihte un inn ah a kem ding a om nawnloh ciangin puak uh a, a kep man ding pia in a kemte ap uh hi. A semte in a genna vuah a ut khempeuh in mun ngahlo uh hi cilai uh hi. Pitek putek tampi teek kepna ah kipuak nuam mah leh a room ding kicinglo, akem ding kicinglo ahih manin nuamsalo pipi a inn lam ah a kikemlai zong om cihna hi. A innkuanpihte un sun in nasem in zan in tawldam nuam uh ahih ciangin naungek banga kep a kul nu teek, pa teek pen kem manlo, khoi manlo uh hi. Nekzonna hamsa, sum leh pai kisam masa hi. Nasem zo nawnlo pen gawlvak bek hita ahih manin amau kep sang a kemte ap dingin amau sum zong zaw ding cih pen ngaihsutna om baih mahmah hihtuak hi.

Ei zong i khantoh semsem leh tua bang a tuak ding hileng kilawm hi.

One-Child Policy hangin China gam ah tu hun ciangin mi khat in mi guk a vak kul a, nupa kop khat in mi 12 a vak kul hi. Tua pen 4-2-1 ci uh a, mi khat in a nu leh pa leh a pite 2 leh pute 2 a vak kul cihna hi. Zi nei hileh a zi zong tua mah bang ahih manin a nupa kop un a vak ding uh pen mi 12 pha mawk hi. Ta khat bekbek nei sak mawk uh ahih mana a tapa/tanu in a nu leh pa leh a pi leh pute a leh vak kik kulta hi. Tua hun ciang gimna lianpi kipan hih tuak hi. Tua banga pitek putek te kep ding hamsa semsem ahih manin (nuntak hamsa semsem) teek khoina ah puak ziau in a phak zawh uh leh pha, a phak man kei uh leh phalo cih bangin koihgawp zong om hihtuak hi. Tua pen tanu tapa neilo hilo napi a hun leh mun in pia nawnlo hi. Ei zong tua bang lampi a tawntawn ihi kha thei hi. Tate in hong vak kik ding maw vakkiklo ding cih kigen theilo hi. Teek Inn ah hong puak ziau dingin Christmas ciang ‘dam maw’ ci a hong vak zial dingin ki sikha muh pak dingin manglam tawh kibang ding cih zong a piang thei ding hi mawkmawk hi.

Tulai leitung khantohna in cidamna zong hoihsak deuhdeuh ahih manin a piang khempeuh a tamzaw teek dong mah dam in naungek leh khangno a si tawm hiaihiai a, tua hangin teek kepna tawh kisai vai lianpi suakta hi. Japan ah mi khat in a pu teek pen a vuina ding sum neilo ahih manin a sih thu zong genkhia lo in ip sungah kum 10 val bang kemcip a, gawp ginggeng in koih hi. Tua pen pitek putek tampi a kimulo, a mang om hi ding cih a kikanciang a theih pan uh hi. Japan ah naupiang tawm, khangham tam ahih manin a mihing milip a tam hang nasem thei tawm deuhdeuh a, nasep thaman khang deuhdeuh hi. Hi banga a pai toh zel leh tuzawh kum 50 zawh ciang nasem ding mi tawmlua tading ahih manin mihing tamna gam China, India, Brazil, Bangladesh, etc cihte khawng in nasem ding mi a puak (supply) kisam ding hihtuak hi. Tua banga naupiang tawm, pitek putek tamna gam pen UK, Taiwan, Singapore, cihte zong hitoto hi. Naupiang tawm semsem leh a tek a huai te kikem manlo semsem ding cihna hi.

I dam nak leh piang khin phot i hih teh ni khat ni teitei ciang teekloh phamawh dinga, tua ni ciang koi pawl ah i omkha tam cih ngaihsutna hong neisak hi. Itna tawh hong kikem ding maw, hong kikem man mello ding maw, hong kikem nuam nawnlo ding maw, Japan putek bangin i sih ciang thungkuah ip sung peuh ah kum tampi hong kikoihcip kha ding maw… maw, maw, maw…?

I tenna leitung khangtoto ahih manin ei zong thupi deuhdeuh a, mihing te ki itna ahih leh kiam deuhdeuh, kikhoi manlo deuhdeuh tawh kibang hi. Mother Teresa philosophy banga ‘man nei taka nuntakna’ ‘manpha taka nuntakna leh sihna’ pen a ngaihsut huai mah hiding hiam? Ahih kei leh sum leh pai hau peuhleng kiitna kideihsakna cihte i neihloh hang phamawh kei i ci zaw diam? Dollar leh Itna – koi manpha zaw?

Old Age Homes or your Home?

Hau Za Cin
Phuitong Liim
www.hauzacin.blogspot.com
[Ka lai at dangte ka blog pan kisimthei hi]

The first project executed by Zomi Sauliim has been released on August 28, 2010 at Mizoram House – Vasant Vihar, New Delhi. The programme starts at exactly 12:45PM and lasted for an almost exciting 120minutes. The programme was attended by nearly eighty (80) people varying from respected elders to youth and children.

The Directory Booklet has been released by our Special Invitees – Pu Biaklun Shoute, Rev Nenglian Vualnam, and Rev GK Samte. And encouraging and inspiration speeches were contributed by our much beloved and respected Pu Biaklun Shoute, Pu LT Ngaihte, and Pu Khatchin Langel.

The programme was also filled with a very memorable and melodious songs presented by our brothers - Johnson Shoute and Ginlianmang @Mangese. The programme was ended with a light and yet refreshing snacks and drinks.

The distribution of the Directory Booklet initiated post the Programme and enough copy has been given with the help of our respected members and invitees.

The Members of Zomi Sauliim would like to thank everyone who has spared their precious time to attend this little known event and making this event successful. We would not be able to thank individually for everyone’s support however there are some for which we must list them down for their contribution in this event - 

1.    Pu Biaklun Shoute

2.    Rev Nenglian Vualnam

3.    Rev GK Samte

4.    Mr & Mrs Ginthanlian @Lianmawi

5.    Residence Commissioner – Mizoram House

6.    President – YPA Jt Headquarter Delhi

7.    President – ZSP

8.    Jenny N Paite

9.    Timothy

10.                       Dimneihkim Sukte

11.                       C Kamthianmang

12.                       Ngailunmang G

13.                       Niangngaihlian

14.                       Thawnggoumung

15.                       Sangneihching

16.                       Daniel Khupkhual Sukte

17.                       Johnson Shoute

18.                       Ginlianmang @Mangese

We would also like to thank the YOUNG PAITE ASSOCIATION – Jt HQ for helping us with their PA system, and SUPREME BAKERY – RK PURAM for delivering the Requested Refreshment on time.

May God Bless us on our future endeavours and bless all the people of Zomi.

The Directory Booklet is available at `150.00 or above at the below listed locations until further notice –

ZOMI SAULIIM HEADQUARTER               www.zomisauliim.org

987 Sector 9, RK Puram, New Delhi 110022

Ph: 011-26175879

feedback@zomisauliim.org

Distribution of Directory Booklet has started and our members will be visited each of the Zomi’s residence so help us in attaining a copy each.

A khangtosa gam khat belh pen a hoihna leh hamphatna tam mahmah ding mah ahihi.

Ahizong in tua sang a hoihzaw, minam cidamna tawh a kituak zaw a om tam?

Ke’n lampi dang khat k’ong lui khia nuam hi – Manipur!

Manipur gam Churachandpur district pen Zomite‘n Lamka gam i cih pen ahihi. Lamka gam sung ah Kawlgam Zomite hong lal zaw le uh India Zomite leh Kawlgam Zomite ading in cidamhuaipen zaw lo hiam, ka ci hi.

Bang hang in US, Australia, UK leh Canada sang in Lamka ah lal zaw mawk ding?

• India Zomite nambat kisam uhi: Democracy ah nambat (population) kisam mahmah hi.  Tua ding in Zomi population tawm mahmah a, thu lian leh thupi vaihawmna ah a nambat in kisam thei zel hi.  Tua man in Kawlgam pan Zomi 50,000 bang hong lutto leh, Lamka (Churachandpur) district sung ah vaihawmna ei khut sung ah om den lel ding hi.
• Kawlgam Zomite’ lunggulh tate laisimna leh nekzonna zong bangtan hiam phatuam veve ding hi. Gam khangtosate tawh kibang samlo ding a, ahizong in sum-le-pai zonna leh pilna-siamna zonna nuam mahmah lel hi.  A sim zote siam veve uh a, a zong zote’n nei veve uhi.
• Zogam sung mah hi ve’n: Zomite a ding Zogam mah hi lel a, ei gam mah hi lel hi.  Minam dangte simmawh leh nuaiet thuaklo ding a, zong a nai penpen mun ahihi.  Kawlgam leh India gamgi zuul a khuatate a ding bang in nai mahmah a, Lamka khua pan in gamgi pen 50/60 kilometre (?) hi lel hi.  Lamka gam sung ah, na behte leh innkuanpihte veve mah na ding uh a, tua bek zong a nuam tuam mahmah thu khat hipah hi. Warning: Lamka gamsung a, beh le phung tawh ki deidanna hong zangto kei un!
• Kawlgam leh India gamgi pen ei Zomite’n ki-theihmawh bawl phial a, i kan ziahziah ding uh ahihi.  A omlo bang liang a ngaihsut ding a; hih lam zong ko gam hi, hua lam zong ko gam mah hi, ci a ki neisak tak a i kileh ziahziah ding ahihi.  India Zomite’n New Delhi lam nga veivei in, Kawlgam Zomite’n Yangon lam ensuk velval in, i om ciang in Zomi leh Zomi i kimu tuah kei a, nam dangte bek mah i mitsuan kha uhi. I haksatnate leh buainate ki theihpih ki phawkpih le hang, a dam nading, zatui, zong khawm leng ki mu baih zaw ding hi.

Gamdang, mun dang cih kisamlo in Zogam sung mah ah “lal” zaw le hang, Zomi cidamna hizawlo ding hiam ka ci hi.  A mangthang cih bang omlo ding a, Zogam Zolei mah ah i lutang phum le hang Zomi bang a nungta, Zomi bang a si taktak hilo ding i hiam ka ci hi.

Nang’ e?

Manipur Zomite sung ah nidang (early 1960s) in Chin minam hihang cih thu hong om hi.

A sawtlo in (1980-90s) kiim ciang in Zomi kici kik leuleu in tuni dong mah Zomi cih tawh kalsuan uhi.

1997 buaina hang in pawlkhat in Mizo hi ung ci-in lungmuang tak leh tawldam tak in om uhi.

Tunai ciang in Zomi in zong bangmah pi hong piazo tuan kei. Ei suahtak nading in Mizo mah hoihzaw lo ding hiam cih ngaihsutna hong om pianta tawh kibang hi.

Hih thu pen thuthak zong ahi tuan kei hi. 1960s in Pu Vumson in a laibu Zo History sung ah Zo minamte a ding in Mizo (Lusei) pau pen common language hong suah ding thu gen khin hi.

Ngaihsutna khat ah, Mizo hi in, Kuki hi in, Zomi hi in, Chin hita leh a gennop uh kibang khin a, ei a zangte in i uapsak cia, uapsak tan in sai bek hi.

Ahizong in, Mizo zang zaw hi le hang, Manipur sung ah, hong ki simmawhlo, neuet lo tuam ding hi cih ngaihsutna hi pen hi.

Nang e? Bangci’n na ngaihsun a?

The last time Myanmar’s junta tried rigging an election in hopes of putting a civilian face on its military rule, in 1990, it was routed at the polls. The junta responded by annulling the results. Now, with the country’s first vote in 20 years set for November 7, the generals have apparently learned their lesson: this time, the process will be even more tightly controlled.

In 2008 the junta pushed through a Constitution that guarantees it a quarter of parliamentary seats and a continued stranglehold on state power. In the upcoming elections, meanwhile, opposition candidates need permission to campaign and are barred from shouting slogans, waving flags, criticising the junta, or “harming security.” Civil servants and monks are barred from running, as is anyone convicted of a crime — which means a good portion of the politically inclined. And parties must submit a list of at least 1,000 members in order to register, a scary proposition for voters who live in constant fear of the military and its spies. (One party chair has complained that security forces are already intimidating members on his list.)

None of this lends the appearance of legitimacy to the elections, and candidates are starting to quit in protest and threatening to boycott the polls. Unfortunately, this will likely matter very little to countries such as the other ASEAN nations and China, which have already been willing to do business with the junta and turn a blind eye to human rights. Worse, it may even give political cover to those like India that hope to ramp up trade with Burma. Twenty years later, it’s likely that the junta will finally get its desired results at the polls — but from an election free in name only.

© Newsweek

Hih a nuai a teng bek zong hi tuaklo lai hi. A dang zong om lai hi.

Chin Progressive Party (CPP) mintawh adin sawmte:
1. Pu Kham Do Nang
2. Pu Ngin Thang (Former elected MP)
3. Pu Gin Heh Lian
4. Pu Thuam Go Thang

Chin National Party (CNP) min tawh aluisawmte;
1. Dr Kam Cin dal
2. Pu Zo Zam Cin pau
3. Sia Thangpi
4. Sia Langh Za Mang
5. Pu Khup Lian

NUP (National Unity Party) min tawh aluisawmte:
1. Pu Vum Lian Thang
2. Pu G. Sawm Pau (Registrar, Kalay University)
3. Pu Hau Za Dal
4. Pu Thang Go Khai
5. Pu Khup Cin Thang

MC Khaipu

Vaphual.Net kum khat ahong mualsuahpih Topa tung lungdam thu I puak masa hi. Vaphaul.Net ahong musak Pa Carey Suante tung ah zong lungdam thu I puak kik hi. Topa’n a gim a tawlnate, sum le pai a bei khempeuh a leh za, tul in a mukik ding in thupha hong piak kik sak ta hen. Ka lungdampih lahna in hi thulu “ Pasian a teel minam leh Pasian-a a nei minam” cih kong at hi.

Pasian teel minam: Zomi papi khatin Lai Siangtho a hong simsim leh’ “ Guai, ei a ding om kha mah mah lopi, Israelte a ding vive hilo maw” na ci hi. Khat leu leu in “ Pasian in Israelte gumlua manlo hi” na ci hi. Lai Siangtho sim leng aman takpi mah hi mawk hi. Pasian in Israelte pen tapa neihsun bang in kem a, Pa bangin khatvei ciang salgawp khatvei ciang lah danthuaksak mawk hi. Ahi zong in a tawpna ah’ tang-gup kik veve hi. 1967 kum in Israelte leh Arab-gamteng  kidona “The Six Day War” en leng Pasian in a minam teelte a gupzia ki lang mah mah hi. Israel langpangte Egypt, Syria, Jordan, Iraq, Saudi Arabia, Morocco, Algeria, Libya, Tunisia, Sudan leh PLO.  Galkap-tha en kik ni, Israel galkap neih zah mi 2,64,000 hi a, mi 1,00,000 in hih hun ah galdo uh hi. A lang uh Arabgamte neihzah ki gawm 5, 47,000 phazo a, mi 2, 40,000 Pasian teel minamte  do uh hi. Ki dona a hong veng ciangin hih hun sung ah’ Israel galkap 4,517 in a nuntak uh bei-loh a, mi 15 a galte un man kha  hi. Isrealte gal vangleng 46 Arabte’n kapkhiatsak uh hi. Arab galkalte mi 11,7000-23,500 kal-in sihlawh ci’n ki gen a, mi 5, 500 val Israel galkapte’n man un hi. A gal vanleng uh 452 Israelte in kapkhiatsak uh hi. ( Hih gal a hong veng in ciamnuih khat a hong piang hi, a mantakpi ding in zong ut huai phial hi. Arabte Russia (USSR) ah galvan lei ding in pai uh a, Russiate in zong nadeih bang bang gen un. Hong leisak ding hi ung cih hi. Arabte in zong a deih pen uh “Surface to Jet fighter Missile” cih pah uh hi. Russiate in “Surface to surface missile bek nei ung” na ci uh hi.)

Pasian-a teel minam: Nungak leh tangval ki ngaih vai ka sa leu leu hi, hih thu pen. Tangvalte’n nungak i ong ngaihtak ciang bel ‘a akpi nangawm I muh bek leh zong nuam tuam hi. I ngaih in lah hong phawkpih lo, a innkuante’n I va vakvak zong hong ningsimthei zawsawp hi. “Nang bek mah ka lailung muanna” va cih ding lah’ ngampah samlo, panbaih lua hih khak ki lau-thawng zelin ki om thei hi.  I teel penin ei ahong theih a, I teel ahih lam ahong theihpih ding kisam hi. Tua lopi in zong guaksuak ding baih mah mah hi. A hong nusiakhin Sia Go Khen Thang, Kawlpi a tunzawh a lawmte tawh ki ciamnuih hi. Aman hih bang in gen hi “Zanggam khong-ah teng ding ki sa leng, zi hih sang meel-hoihzaw khat nei ding hi veng” a cih leh’, a lawmnu in “ I ong hehpihman in I hong ki tengpih hi. No Pastorte khasum leltak, nungak ki hoihsakte “tanakha” man in zong cing ken teh” ci’n na dawng hi. Hepihman in a kiteel-teel zong omkha ding hi. Pasian in zong Zomite a hong hehpih manin thupha a hong piapia zong hi kha thei hi.

Pasian-a a nei minam: A kisap a neizo, a leizo, a ngahzo mipa pen mi hampha hi. Tulaitak ka omna ah’ ka kisap tampi om a. A lei zawhna ding ka neih hetlo hang in Zomite siamkhat  “ 100% Free Window Shopping” ka pai thei zel hi.Deih khempueh neih ding cihna hilo a, a kisam khampeuh neih ding thupizaw hi. I kisap mah mah khat I neih ciangin, a nuamtuam zia gentheih dingdan ki theilo in ki nui pongmawk hi. Eilo mi dang khat in a hong neih ciangin bang ki haza-ut zezen hi.Ei bek in thei-in, nei leng a utlo ki tawm kha ding hi, hih leuleu metna hilo in supna lianpi khat hi. Sia Hau Za Cin in Zogam bawl “Tuibuk Anti virus” a hong na advertise sakna Bill Gates et-teh tak kasa hi.  A muhkhiat software amah bekin thei henla, amah bekin a nasepna ah zang mawk leh nuam a sa ding hi, a lawm a gual in eng mah mah ding hi. Ahih zongin Bill Gates in aneih’ mite hilh in, a hong zuaktak ciangin a kua mah peuh in ki phatuampih ciat hi. A neih pilna leh siamna hangin leitungbupin ki theilhloh a, tua bek hilo in mihausa penpa a hong suak lai hi. A nei mite haphatzai, hauh-lawh leh nuntakpih zawh uh hi.

Zomite’n MDC, MLA, MP teel bangin khatvei leh “Topa, nang kei a”, ci’n khatvei leh “Topa, nang kei a” cih mah nuam sa I hiam, kisap ciang bekin a phawkte I hiam? Ki ngaihsut thak ding thupi kasa hi. Pasian i teel manin bang teng phattuampih I hiam? En I teel hang Topa hong na theihpih kei leh’ ki angtangsak mawk leng zong thamanlo lua hi. A nei, Topa a nei mipa/nu hih  lunggulh ding thupi kasa-ta hi.  Topa Pasian-a a nei hi in, I neihna mite in hong theihpih bek hilo in hamphatpih leh phattuampih ding I ki deihsak hi. Vaphual.net leh a sim aza khempeuh Pasian-a a nei mipa/nu ahi dingin Topan thupha hong piaciat-ta hen!