Editorial: Charity Begins at Home!
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
Image via WikipediaDownload Latest Vaphual Newsletter Now!
Zomi kitam lo hi.
Ahizong in minam picing khat ihihi. Gam kician nei, history kician nei, lai (literature) kician nei , culture (lam hi in, puan silh nik ten) kician ki nei hi. Million za a sim ding i phakloh hang in minam khat, minam picing khat ihihi.
Minam picing dangte mah bang in i society zong politics in hong nawksuk nawkto hi. Tu mahmah in zong politics hang in thong kia Pu Cin Sian Thang’ tapa om hi. Gam picing khat i politics ah zong kihel bek hilo in, zong ki thuak hi.
Zomite zong leitung minam picingte mah bang in issue lianpipi tampi kinei veve hi. Tuate lak ah khat pen refugee issue ahihi.
Kawlgam politics ginatloh man in Zomi tampi tuni in refugee kisuak hi. Minam dangte in refugee cih pen dahhuai sa in zong na huh mahmah uhi. A gam uh ah na welcome in, giahna ding, nek le dawn ding na vaihawm sak uhi. Ei Zomite’n bang in i ngaihsun hiam? A hi ding mah a ngaihsun i hiam?
Bangmah sum le pai hi in, thu le la ah i huh zo pah kei zong i kithuahpih ding leh i haksatnate, i lametnate, i nopsaknate uh ki phawkpih leh ki theihpih ding kisam hi. Tua pen minam picingte om dan, gamtat dan ding hi zaw hi.
Midangte in ei hong huh, hong panpih ding bek ngak ding mah ahi hiam? Ei-le-ei zong i hih theih zahzah uh tawh i kihuh, kipanpih hun ta hilo hiam? I neih-le-lamte hi in, siamna theihnate gawmkhawp siam in mapangkhawm leng kua in ei hong neumuh thei tuan ding hiam?
Malaysia ah zong Zomi a tulsawm a sim om ding hi ki ci hi. Amau kisapna thu-le-la, human rights issues leh technical issueste a huhthei zong mi muntuamtuam ah ki om kha ding hi. Hih i resource-te pen zong khia in zang siam leng i mailam hun ah minam picing ki suak semsem ding ka lametna ahihi.
Hih thute hang in Australia, US, Canada, UK, Czech Republic, Korea, Myanmar, India, Denmark, etc a Zomi omte tawh communication line hong ding, coordinate ding leh hauhna leh pilnate zang khawm ding in i ki cial hi.
Ei-le-ei kipanpih in i ki huh ciang in ki-itna leh kilemna hong piang ding a, minam kithutuahna hong suak ding hi.
Minam hat leh zattakhuai khat zong i suak ding a, minam self-respect nei leh dignity nei zong i suak pan ding hi.
