Dong Hu Siavuan

DONG HU SIAVUAN

Tuhun leitung pen nak khantoh mahmah ta aa na hoih nono, na lamdang nono zong hong piangta hi. Tua tawh kizuiin nidang in, akithei ngeilo, aom ngeilo natna tuam tuam hong piangta hi. Tua bangin natna hong tam mahmah tak ciangin mipilte’n tua natnate dalnang, bawlnang zatui hong zong uh hi. Zatui tuam tuamte zong natna tawh kizui-in hong mukhia uh hi.

Ahi zongin ei khantoh lam amanawh pante in tuabang zatuite i zang zo nai kei hi. Ahi zongin tua zatuite koi teng pan kingah hiam i cih tak ciangin i kim i pam aa om ahi singgah, singteh le singkung tuam tuam tepan na hi lel hi.

Tua ahih manin i kim i pam a om singgah theipuam lakpanin nisim i nek i zat dente sunga aom zatui pawlkhat kong at hi.

1. LOTHANG KANG

i. Cibawk; Gawiding in atui zut ding.

ii. Nattun, awmbing, bukkhuk; Suding in thawhbat/vokthau tawh hel ding, awm zut ding.

iii.Toh-kui, Naptui, Nak-haksa, Bukkhuh, Tuapna, Bilna, Mitkhu bawk, Mittui kai; Suding, diik sak ding

iv.Guh leTangna, Dula, Kal’ aa suang om; Pum(5) su ding in zuthawl khat tawh hel ding. Ni 8-10 ciang alum lualo, avot lualohna munah koih ding. Nikhat (3) vei, nekkhat sikkeu khat dimta ne ding.

2. LOTHANG SAN

i. Akilawh thei natna; Phel 4 suah ding. Cina pa/nu kiangah

koih ding

ii. Sikhang & lutang na; Nisim asial aa ne den ding

iii.An kam lim lo; Phel suah in aphel lang diik sak ding

iv.Ihmut suah nang; Em dingin neding

3. AALU

i. Lung tang na; Em in ne ding

ii. Sung puak & An gu suak;Huan in ne ding

iii.Meikang/Cithak; Gawi in zut ding

iv.Sikhang;A paak huan in ne ding

v. Nat tun;I huan ciang aa a leng khia tuikhu diksak ding

4. SA HAWK

i. Hani bawk & Ha ato nang; Atui pen tuitawm tawh helin muam ding

ii. Bukkhuk; Pumkhat su ding, tuitawh helkhit ciang khuaizu tawh hel laiding, alum kimin bawl khit ciang nai 1 halin sikkeu 1 ta ne ding.

5.SAKOL KHEKHAP

i. Thaza; Atui cikhum ahihkei leh khuai zu tawh hel in dawn ding

ii. Gilsan, zunkhum, zun-a-sipai; huan in atui dawn ding

6.TAMPAZA

i.Luphel nat; atang su in anatna munah tun dingin puan ki khuh ding

ii. Kam uih; atui muam ding, ha nawt ding

7.AISAN

i. Lutangna, nap tolh;meiah hal in a khu dik ding

ii. Hana;puan tawh tuun in ha bul ah koih ding

iii.Thaza;khuai zu tawh helin sikkeu khat ta dawn ding

8.NINUUN (NUNUUN)

i. No suah;a min ne ding

ii. An zan sak baih;a naai suk in ne ding

iii.Bawngsa min baih;a puam sa tawh huan khawm ding

iv.Hutzo;a tang ne ding

9.MANTA

i. Typhaih; Em dingin ne ding

Hihte pen i kim i pam a om te hi aa mikimin kizang thei ding hi. Khat vei vei zatui lei nang a lem loh ciang hi bang zatui tang in ki zang thei hi.

Source: Ciimnuai Vontawi Siamsin Kipawlna Magway newsletter