Delhi ZCF Crusade Nuamtak Kizo
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
A paisa 20-23 August 2009 sungin New Delhi EBCC Biakinn ah A (3) vei na Delhi Zomi Crusade 2009, Zomi Christian Fellowship, Vikas Puri te’n Innteekna la in, Topa Kha Siangtho kithuahpihna tawh nuamtak ki zang thei hi.
Tua ah nitak sim in Vikas Puri veng pan leh Hastal veng pan in Bus khat tuak tawh kikuan den hi.
23 August 2009 nipini sun 12:00 – nitak nai 4:00 tan, gupna ngah kicianlo te a dingin kam kikupna (couselling) hun kinei in, a kum tawh ki zui in, khen nih-in, kikhen in, Topa’n Gupngah mi hong behlap ahih manin i lungdam mahmah hi.
Nitak sim in kikhawm 250-300 kipha den in, Gupna ngah thak, nungtolh thokik leh cina tampi tak in damna ngah in, mipi mai ah teci panna hong nei uh in tha kingah mahmah hi. Tua lo in zong zingsang nai 8 pan nitak kikhop khit dong Biakinn ah thungen pawl in antang-in thungen den uh hi. Kikhop kipatma in ZCF- Vikas Puri Khangno Phatna leh Pahtawina makaite na tung khol masa in amau teng mahmah khut kilen in ana ki ap masa den uh banah crusade a ding in zong thu na ngen uh hi.
Tua ah thugenpi Rev Dr Gin Khan Khual leh a tanu Lia Nuampite a mauleh a mau lam pai man, Hotel saap a kisik ban vuah Crusade a ding mipi paina ding mawtaw sap te leh Biakinn sap te hong sik lai uh ahih manin lungdamna lian mahmah hi.
A mangthang Zomite’ Kha te leh Zomi a vei ngiat ahihna uh kimu in ki lungdam pha diak hi. Hih Crusade ding tawh kisai in a nai a gamla pan a, thu leh la tawh, sum leh paai tawh, thungetna tawh mapang a, a gim a tawl kha khempeuh tungah kilungdam mahmah in Topa’n a zah tampi thupha hong pia in hong thukkik ta hen cih kong lungdamkohna uh leh kong thungetsakna uh ahi hi.
Pawlpi sik leh tangin, note tawh nasem khawm,
T.K.Lianpu Pastor Zomi Christian Fellowship, Vikas Puri New Delhi
