David Suum US ah Music Conference ah Kihel Ding
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
USA Visa ngah ding a nak haksat mahmah kawmkal ah Pasian’ lam hondakna tawh Sia Go Lian Suum(David Suum) te nupa in tuni-in, America paitheih nading Visa hong ngah khia thei uh ahih manin lungdampihna kong pulak khia hi.
Amau paina ding vai tawh kisai ahih leh “Music Conference” Kansas State ah, July kha sungin kah ding a va pai ding uh ahi hi. Nasepnate a tangzai zawk theih nading ngaimna tawh va pai dinguh ahih manin thungetna tawh panpih ciat ni, cih hong zawn ung. Sia Suum pen Zomi khangnote lakah Music tawh Pasian’ nasepna ah a madawk leh a munbun mahmah khat ahih manin thapia a ihih theihna bang ciat tawh mapanpih ciat ni.
Nov.2005 lai-in Tedim ah, “Zomi bup Pasian Phatna pawipi” (ZOFOP) hong phuatkhiatnate hangin i minam in thupha kingah lawh a, minam dangdangte lakah zong Zomite’ kipumkhatna lahkhiatna khat zong hong suak ahih manin lungdampih ciat dingin kong lamen hi. Hih thu in thusim hi lo a, kumpi pan phalna mantak tawh visa hong ngah uh ahih manin lungdampihna tawh kong khahkhiat uh ahi hi. Topa’n a maban uh ah ki-thuahpih suak ta hen, cih tawh…
Zoplim Committee’ tangin;
Peter Khampu @ Dai Suan Kham
Director – “ZOPLiM”
Yangon (tawmvei).
Zomi Pentecostal Literature & Media – “ZOPLiM”
