Bangalore Zomi Freshers Meet – 2009

Zomi Bangalore a omte’n a ngaklah mahmah uh Fresher Meet kumteng a kinei bangin tukum a dingin July 26, 2009 (Nipini) 3:00 pm to 7:00 pm sung State Youth Centre Auditorium, Nrupatunga Road, ah mipi 500 vel paikhawm in neihzoh hita hi. Hiai hun in a nuaia bangin program ki zang hi.

Mipi lasakna siamtak leh sousangtak in Music Department pina toh “Tunsung Khat” pan chih laa in mipi hon rock jek uhi. Pa Joyful leh Lia Sianniang te’n feltak leh hun-awl chih himhim omlou in Program sungteng hon pi uhi.

Pa Thangnou Zou, Secretary ZCF-B in hun patna thumna nei hi. Tuakhit in lasakna a nuaia bangin kizom ziahziah nawn hi….

‘A Hampha Pasian Mite’ chih nuamtak leh kilawphuai tak in GETS te’n hon awi uh kuamah khuh kilh chitchet muhding omlou hi. Music lah nalh, a sate lah phur ua, a pitu nu mahmah leh siam in a memberte pidan siam mahmah hi. Tuaban a lasate: Tv. Lalboi, Rody & Mungtawng.

Tv. Lianthansiam Valte, Chairman ZCF-B in Fresher-te vaidawnna zeitak mai in hon gen a, a seppihte mellahna neijui ngal hi. Amaute’n siamjiak hilou, ngaihkha ven chihna leng hisamlou in Leeng Dialdial Ni chih laa honsa uh chuh mipite kidekjou lou in ding kawm in a sakkikna ah sakpih juajua mai uhi. Amaute zaideih awih hun sa mailou in a nuaia miten siamjaw seem in hon awitou jeljel uhi. Roselyn Naulak; Sonthang (Kuahiam ding diing); leh Muanching Manlun.

Tuazoh in Tv. Tuangsangmuan Valte leh Lia Chingboi Vualnam te’n melthak lahna neiding in hong kisa uhi. Model 2 (Tv. Songchinlian Vualnam leh Pa George Goukhankhup Tonsing) zangin fresherte introduce dingdan lak masa uhi. Tuate enjui uh chihna leng hisam lou in Fresher-te khat khit khat hong ki introduce uhi. Hiaihun in fresher 45 te hong ki lakkhe ngam uhi. Amaute Thumsakna leh Vualzawlna ngetsakna Rev. Dr. Pumzathang Tombing in neijui ngal hi. MR leh Miss Fresher 2009 result puanna neih hi a, amaute kipahpihna thilpiak tuamtuam piakkhiat hi uhi. Tuazoh in zaideih awihna hun kipan nawnta: Rody, Tuangpu, T Muanlal leh superhit ‘Ningzu-Khuaizuu’ Minthang Guite in hon rock hi.

Adviser Pu Bensiamlian Hauzel in Freshers-te hanthawnna leh hihding, zuihding leh hihtuaklou tamtak mipi-te, a biktak in Fresher-te, mopna nei ziahziah hi, hiai pen a nuai a ten lasakna toh zuinawn uhi: Tv. Sanglun, Tv. H. Lalboi, Tv. Mung Vualnam “HOME” (a farewell song chihding hinteh), Tv. Sang Tombing, Tv. Mimin, Tv. T Benjamin, Tv. Mung Valte, Tv. Lalboi Zou, Tv. Benjamin Manlun. Tuazoh in mipi lama kipan request om dungzui in Sonthang leh Minthang Guite te’n a lasak uh hon repeat nawn uhi.

Nuam mahmah ahiding, sawtlou chik bang mahleh tawp hong hun ahihman in Tv. Chinkhanlun Guite in kimtak in kipahthu genna hon nei hi. A sousang deuh ahi di e, Committee Member-te Leng Dialdial Ni chisak nawn veh aw…Hunkhakna neihma in Pasian Tate kikholhna nuam ahihman in GETS te makaih in lasakna neihnawn ahi. Program khakna dingin Rev. Hangpi Manlun in thumna nei hi.

Source: Zogam.com
BANGALORE ZOMI FRESHER MEET – 2009

Related articles by Zemanta

• ZCF India Nomination Committee (csavaphual.blogspot.com)
• Zomi Christian Fellowship Guwahati Makai Thakte (csavaphual.blogspot.com)
• Universal Declaration of Human Rights (in Zolai/Tedim) (csavaphual.blogspot.com)
• Minam Khona (Nation’s Stability) (csavaphual.blogspot.com)
• Zomi leh Lai Siangtho (csavaphual.blogspot.com)
• Thangho Leh Lian Do Bang In (csavaphual.blogspot.com)
• Ngeina Zuilo Mawhna (csavaphual.blogspot.com)
• Summer Revival/Crusade nuamtak in kizo (csavaphual.blogspot.com)