Aizawl Khuahun 8 February 2010
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
1. Aizawlah Jan. 22 ni-a Kawlgam mi 37 kiman sung panin mi 33 pen Feb. 6 ni-in Tiau-ah Kawlgam Police-te khutah Mizogam kumpi in aap cih thu kiza. Hih mi kimante pen mawhna tuamtuam kham theih zuak, guta leh khut khialhna tuamtuam hang akiman hi kici. Kawlgam pana pai mawhna bawlte kidawm nawn lo ding ci-in Mizogam Home Minister Pu Lalzarliana gen.
Note: Hih banga Kawlgam kumpi khuta kipiak pen Human Right Violation hi thei kha ding hi. Mawhna bawlte pen a mawhna tawh kituakin dan (gawtna) piak ding hi a, Kawlgam kumpi khutah kipiak pen si hen cihna ahih manin Zomi Kipawlna tuamtuamte in ngaihsut hoih kha ding hi)
2. Lamka-ah Zomi Nam Ni Football kimawlna pen knock out Feb. 6 ni-in kipan ta cih kiza. Hih knock out kimawlna-ah Lamka ADC Pu K. Thansang in zinmang hihna tawh va uap thei a, Kawlgam panin zong kimawl ding pai cih kiza.
3. Thailand ah “Surin International Folklore Festival” kici a 5-veina thupi takin Surin khawkah kibawl cih thu kiza. Hih Festival-ah gam tuamtuam 15 a kihel lakah India, Laos, Myanmar, Cambodia, USA, China leh Thailand zong kihel hi. Hih Festival a kihel sung panin Manipur Folk Dance in khatna ngah cih kiza. India panin Manipur leh Nagaland kihel hi.
GK
