Aizawl Khuahun 5 February 2010
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
Zo Indigeneous Forum hanciamna tawh kibawl a masa pen dingin “Mizoram Human Rights Report 2009″ laimai 21 dim a kigelh laibu kihawm khia ta. ZIF Director ahi C. Lalremruata leh Tg. T. Zammlungmang Zou, New Delhi makaihna hi a, a sim nuamte in zoindigeneous. blockspot. com ah kisim thei hi.
India leh Kawlgam kizopna lampi Tedim Road kici Singat leh Behiang kikal lampi Border Road Organization (BRO) in bawl kipan ta cih kiza. Hih lampi pen a zaina 40ft. hi ding a, Singngat panin 2 km ciang balcktop zo ta uh hi. Hih lampi kizo leh Zomite adingin nakpi takin phatuam ding hi. Tamu leh Kawlpi kikal lampi zong BRO te bawl mah ahi hi.
Mang Tombing in World Absolute Fight Championship boxing kimawlna Almaty, Kasakhistan ah Jan.27-31 sung om a, 60kg. category ah Khazak top fighter kici Aslan tawh kitumin nihna Medal ngahin “Indian Tiger” cih min kipia cih kiza. Mang Tombing ahih leh Lamka mi ahi hi.
March 4-5, 2010 sung Murlen khua kum 75 cinna Jubilee Pawi thupi takin bawl ding cih kiza. Mualsuang phut ding uh a, laibu zong kithoh ding hi. Murlen Khuasuak Kipawlna tawh a kivaihawm hih Pawi-ah Murlen suak mite khua tuamtuam panin paikhawm ding a, Sial leh Bawng tampi kigo ding cih kiza hi.
GK
