A nih veina Zomi Ph D ngahte pahtawina nopcitak kizo

July 18 (Sat) ni sun 11:30 pan kipan in, Yangon khua ?????????? a om ahi, Siapi Dr Do Suan Mung te Laisiangtho sang ah, Zomi Innkuan (USA) te vaihawmna tawh Tedim Association (Yangon) in hun makaih in,a nih veina Zomi sung Ph D ngahte pahtawina, nasia tak kinei a, tu tung ading in Leitung pilna lampan Dr hong ngah Nu Prof Dr Aye Aye Ngun, Prof Dr Lian Za Khup le Dr Kham Man Niang te in pahtawina hong ngah uh hi.Pahtawina pen USA Zomi Innkuan President Dr Chin Do Kham in hong zang hi. Hih pahtawina ah London ah nasem a om Dr Niang hong kihel theilo hi.

Hih hunpi sungah Siama Zen Dot Mang in hunuk hong sem in, kipat thungetna Dr Cin Sian Pau in hong nei a, thu kong honna Pu Tual Khaw Mang in hong nei hi. Tua khit ciang Dr Kham i thuphuang thugena le pahtawina hong zom to hi.

Tua khit ciangin pahtawina ngahte tangthu genna Prof Dr C Thang Za Tuan le Pa Steven Khai te in hong nei uh a, lasiamte in pahtawila sakna tawh hong zop khit ciang pahtawina a ngahte tungpan lungdam kohna tawh kizom hi.

Tua khit ciangin hunkhupna le hanthotna Siapi Dr Do Suan Mung in hong nei hi. Huntawp thungetna le neekledawn a ding lungdam kohna Rev Ngul Cin Thang in hong nei hi.

Tua khitciangin nekledawn tawh kizom to suak hi. Hih hunpi ah Yangon Siamsinte in vaidawn, vaimuak le tanu sem uha, etlawm mahmah hi. Lasiam tuamtuam in zong hun geelna a kawmah pahtawina la hong zai ziahziah uh hi. Zomus te in lasakna khempeuh hong makaih hi.

Hih mun ah Siamsin Awging pan Senior Editor le Cheif Editor te le Senior Siamsin pawl khat zong hong kihel thei hi.

Hih pahtawina a ngah Dr Aye Aye Ngun pen tulaitak in tu laitak in Panglong University ah Head of History Deparment a sep lai hi in, Metropolitan University pan 2004 kum in Dr hong ngah hi. Dr Lian Za Khup ahih leh ???????? ah a sep laitak hi in 2008 March kha in Mandalay University pan in Philosophy tawh Ph D hong la hi.Dr Niang pan London pan 2007 kum England pan Electronic & Electrical tawh in Dr hong ngah hi.

Hih pahtawina pen USA a om Zomi Innkuan vaihawmna tawh a kibawlthei hi-in, amau tangin Innkuan President ahi Dr Chin Do Kham in thuphulakna hong nei a, US a tung khinsa Zomi 2500 val te tangin, tuni hi mun ah hong ding ahihna,hih i pahtawina angahte in hamsatna tampi nawkin kisitna tampi kantan a hih degree qualified tak a ngah uh ahihna, a khatveina pahtawina pen City Star Hall ah kibawl ngeikhin ahihna pan kipan thu manpha tampi hong gen hi.

Hih mun ah thukhupna hong neihsak Dr Do Suan Mung in ” Pilna taktak mah ngah sawm ding hi hang. Kumpi te theihpih pilna mah hunsau ading hoih hi. Pilna i sinna ah pilna a om takpi nak leh degree in hong zui ding hi.” ci in hong hanthawn hi.
Hih mun ah Kawlpi pan Siamsin Senior te pawl khat zong kihel thei a, tuate sungpan

Michael Suan Lian Pau in, ” Hih pahtawina pawi pen pilna sin lai khangthak Siamsin te ading in lamlak meivak khat hi, ” ci in ciaptehna kammal Cheif Editor tungah hong gen hi.

Cheif Editor
Siamsin Awging

Related articles by Zemanta

• David Suum US ah Music Conference ah Kihel Ding (csavaphual.blogspot.com)
• Zomi Lapi Ding Hong Puak Un – ZOMUS (csavaphual.blogspot.com)
• Pianpih pau tawh Pasian Biak (csavaphual.blogspot.com)
• Zomi Innkuan USA 2009 Kumcin’ Khawmpi Vai Thupulakna (csavaphual.blogspot.com)
• Fr Tuang Khan Pau in Holidays Shillong Ah (csavaphual.blogspot.com)
• Shawshank Redemption Film tungtawn aa Thalakna (csavaphual.blogspot.com)
• ZOMUS Pan Zomibup Tungah Zaksakna (csavaphual.blogspot.com)
• Biakna Pawlpi Khenkhap: Minam kikhen (csavaphual.blogspot.com)