A.G Section 2, Kumcin Delegate Meeting Nuamtak kizo
Thanks for returning to Vaphual.net, have you subscribed to the latest Zomi news & articles?. Become a registered member and start writing on Vaphual.net. Let the World hear YOUR thoughts! Thanks for visiting!
I. Kalay No.2 Section kumcin delegate meeting pen Feb.5-7, 2010 sungteng Kalaymyo huam sung ahi, Phai/Taza khua, Tai 8 A.G biakiin ah kinei hi. Inteek pawlpite’n zin phatakin hong do uh a, nitak simin Rev.Go Za Nang (Superintendent – D.C No.4) in hanthotna hong nei-in thathak ngahtak tampi om hi. Siapa pen gamsung mission nasepna a veingiat leh vision kiciantak tawh kalsuang khat ahih manin mipi in phattuamna tampi ngah ung ciciat uh hi. Tai 8 AG biakinn honna ah Rev.Go Za Nang mah in konghonna, khauattatna leh apnate nei hi.
Section 2 pen 1993 kum a kipan hi a, Kalay Section 1 pau namtuamtuamteng kipawlna pan a kikakhia hi a, tu-in pawlpi 41 kipha ta hi. Sum lut zong a kumkum mahin kikhangto a, tukumin sum teng – 70 lakhs val kingah hi. Kikupna ah a thupi diakin thu nih kinei a, HUNBIP PASIAN’ NASEM DINGTE leh TEDIM LABU ZAT DINGVAI ahi hi.
I. A.G SUNG HUNBIP PASIAN NASEM DINGTE MALAM DINMUN:-
Mailamah A.G sungah hunbip nasem ding leh a deuhdeuhin zumngak dingte pen AG Lai Siangtho sangpan a zosate, hi ding, tuabanah Licence leh Ordination I piak dingte zong AG sang kician pan a zosa te hi ding hi. Tua a hi kha lo, ahun nein awn lo te ading cih ngaihsutpihna tawh bullampan vaihawm uh a, kha thum sung AG Doctrines leh By-law te sinsak ngiat ding, tua pen tukum a nunung pen hi ding hi, cih thu kikhung hi. Hih pen pawl dang a picing khin sate I zat ahih manin mimal lampan thangahna a om khit pah loh hangin mailam hun adingin kapat phathuai hi, cih thu kimu hi.
II. TEDIM LABU VAI KIKUPNA:-
Zomite I kipumkhat theih nading leh I zatkhop theih ciat nading ngaihsutna tawh Tedim Labu pen a kizang masa pen mah zang suak ding maw, ahih kei leh ZCLS te’ hong bawl pen zang ding cih kikupnawina om a, a masa pen mah mipi khempeuh in kideih zaw hi-in, tua thu bebek kigen hi. Makaite lampanin khat-le-nih in bel ih makaite hong vaihawm ahih manin zui thei leng zong hoih sa hang; ahizongin mipi in tutakin hamsa sa lai I hih manin mai kumcin kimuh kikna ah kikup phat dingin kikoih hi cih thu kikipsak hi.
Bang hang hiam cih leh hih thupen thu lian khat hi a, tulaitak Zomi sungah lailam tawh kisai nasempi pen ih ZCLS pen a picing leh a tangzai pen hong suak mah hi. Ahizongin Zomi sung panin a tuamtuam a teikhia khin leh a zang zong tam khopmah kipha khin banah mi tamsimte mah in a lui pen Pasian in amau tungtawn a a piakkhiat “sathau nilhna” ngahtak a a hong phuah khiat uh ahih manin la thak dang I phuah kei ngal leh laih ngei ding hi lo hi, a maute kha in zong diksa lo ding hi, cih zah dongin a kinga om lai I hih manin ngaihsut huai thupitak khat hi dingin ka ngaihsun hi.
By Peter Khampu
